ចាំមើលច្បាប់នៃរដ្ឋបាលខណ្ឌសែនសុខ ដឹកនាំដោយ លោក ចេង មុន្នីរ៉ា អភិបាលខណ្ឌ ហ៊ានអនុវត្តច្បាប់ជាមួយអ្នកមានលុយឋានៈបុណ្យស័ក្តិសាងសង់សំណង់រំលោភយកដីចំណីផ្លូវធ្វើជាកម្មសិទ្ធិផ្ទាល់ខ្លួនដែរឬទេ?

ភ្នំពេញ៖ តាមប្រភពព័ត៌មានច្បាស់ការណ៍ ស្ថិតនៅភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ ដែលមានបុគ្គល ម្នាក់បានយកដីចំណីផ្លូវ ធ្វើជាផ្ទះជួល មានចំនួន៧បន្ទប់ដែល បានធ្វើផ្ទះជួលរំលោភលើដីចំណីផ្លូវសាធារណៈនាពេលថ្មីៗនេះ និងមិនព្រមធ្វើការរុះរើនោះទេ!!

តើរដ្ឋបាលខណ្ឌសែនសុខ បានជ្រាបអំពីករណីបន្ទប់ជួលលសាងសង់រំលោភ ដីចំណីផ្លូវសាធារណៈនេះដែរឬទេ?

ទីតាំងសាងសង់ បន្ទប់ជួល និងឃ្លាំងស្តុកទំនិញ រំលោភ ត្រួតត្រាកាន់កាប់ ដីចំណីផ្លូវដោយផ្ទុយពីព្រះរាជក្រម លេខ០៥១៤/០០៨ មាត្រា៣៨ ចុះថ្ងៃទី០៤ ខែឧសភា ឆ្នាំ២០១៤ នៅសង្កាត់ឃ្មួញ ខណ្ឌសែនសុខ ក្រុមការងារយើងខ្ញុំបានចុះផ្តិតយករូបភាពដែលរំលោភយកទីតាំងខាងលើនេះ ហើយបានទូរស័ព្ទសំភាសន៍ទៅម្ចាស់ទីតាំង ម្ចាស់ទីតាំងប្រាប់សារព័ត៌មានយើងខ្ញុំថាបានសុំច្បាប់ការអនុញ្ញាតពីសង្កាត់ហើយ រីឯខាងសង្កាត់បដិសេធថាមិនមានច្បាប់នោះទេហើយសង្កាត់ហាមឃាត់ដែរតែមិនស្តាប់និងរុញអ្នក សារព័ត៌មានទៅអោយសួរសាលាខណ្ឌទៅក្រែងគេរត់ច្បាប់នៅខណ្ឌ ៕

ក្នុងនោះដែរ មហាជនជាច្រើន សម្តែងការគាំទ្រយ៉ាងពេញទំហឹង ចំពោះចំណាត់ការរបស់រដ្ឋបាលរាជធានីភ្នំពេញ និងអនុសាសន៍ដ៏ថ្លៃថ្លារបស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងការរំដោះយកដីផ្លូវ សាធារណៈមកធ្វើជារបស់រដ្ឋវិញ!! មហាជនក៏កំពុងតែរង់ចាំមើលដែលថាតើច្បាប់នៃរដ្ឋបាលខណ្ឌខណ្ឌសែនសុខ ដឹកនាំដោយលោក ចេង មុន្នីរ៉ា អភិបាលខណ្ឌ ហ៊ានអនុវត្តច្បាប់ជាផ្លូវការជាមួយអ្នកមានលុយឋានៈបុណ្យស័ក្តិដែរឬទេ?

អង្គភាពយើងខ្ញុំរង់ចាំការឆ្លើយបំភ្លឺពីសំណាក់ម្ចាស់ទីទាំង ក្រសួង ស្ថាប័ន សមត្ថកិច្ច និងមន្រ្តី ពាក់ព័ន្ធទាំងអស់ តាមច្បាប់ស្តីពីរបបសារព័ត៌មានឆ្នាំ១៩៩៥ មាត្រាទី១០ កថាខណ្ឌទី១ ។ សូមអរគុណ!!!