ខេត្តកណ្ដាល៖ នៅរសៀលថ្ងៃទី១៤ ខែកញ្ញា ឆ្នាំ២០២៦ ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល អមដំណើរដោយថ្នាក់ដឹកនាំមន្ទីរជំនាញពាក់ព័ន្ធជុំវិញខេត្ត និងអាជ្ញាធរក្រុងតាខ្មៅ បានអញ្ជើញចុះពិនិត្យស្ថានភាពបច្ចេកទេស និងប្រតិបត្តិការជាក់ស្តែងនៅតាមស្ថានីយបូមទឹកសំខាន់ៗ ក្នុងភូមិសាស្ត្រក្រុងតាខ្មៅ ខេត្តកណ្ដាល
ការចុះពិនិត្យនេះ ធ្វើឡើងក្នុងគោលបំណងធានាឱ្យបាននូវប្រសិទ្ធភាពខ្ពស់បំផុត ក្នុងការរំដោះជំនន់ទឹកភ្លៀងចេញពីទីក្រុង ជៀសវាងការកកស្ទះ និងការលិចលង់លំនៅឋាន ឬហេដ្ឋារចនាសម្ព័ន្ធសាធារណៈនានា
ក្នុងសកម្មភាពចុះពិនិត្យនាឱកាសនោះ ឯកឧត្ដមអភិបាលខេត្ត បានធ្វើការពិនិត្យយ៉ាងលម្អិតទៅលើសមត្ថភាពដំណើរការនៃម៉ាស៊ីនបូមទឹកនីមួយៗ ប្រព័ន្ធបណ្ដាញអគ្គិសនី និងការត្រៀមលក្ខណៈកម្លាំងប្រចាំការ ដើម្បីឆ្លើយតបភ្លាមៗចំពោះស្ថានភាពអាកាសធាតុ ដែលអាចមានភ្លៀងធ្លាក់ខ្លាំង
ទន្ទឹមនឹងនេះ ឯកឧត្ដមក៏បានដាក់បទបញ្ជា និងណែនាំយ៉ាងម៉ឺងម៉ាត់ដល់មន្ទីរជំនាញ ព្រមទាំងអាជ្ញាធរមូលដ្ឋាន ឱ្យបន្តតាមដាន និងត្រូវសហការគ្នាចុះកាយស្ដារប្រព័ន្ធលូ ព្រែក និងប្រឡាយរំដោះទឹកជាប្រចាំ ដើម្បីទប់ស្កាត់ការកកស្ទះដោយសារកាកសំណល់ ឬស្មៅដែលបង្កការរាំងស្ទះដល់ចរន្តទឹកហូរ
គួរបញ្ជាក់ផងដែរថា អាជ្ញាធរខេត្តកណ្ដាល ក្រោមការដឹកនាំយ៉ាងយកចិត្តទុកដាក់របស់ ឯកឧត្ដម គួច ចំរើន តែងតែចាត់ទុកសុខទុក្ខ សុវត្ថិភាព និងជីវភាពរស់នៅរបស់បងប្អូនប្រជាពលរដ្ឋជាអាទិភាពចម្បង។ កន្លងមក រដ្ឋបាលខេត្តបានដាក់ចេញនូវវិធានការឆ្លើយតបបន្ទាន់ជាច្រើន ដើម្បីដោះស្រាយបញ្ហាប្រឈមនៅក្នុងមូលដ្ឋាន
លើសពីនេះ រដ្ឋបាលខេត្តកំពុងបន្តជំរុញការកែលម្អសោភ័ណភាព ហេដ្ឋារចនាសម្ព័ន្ធផ្លូវថ្នល់ និងការស្ថាបនាប្រព័ន្ធរំដោះទឹកក្នុងក្រុងតាខ្មៅ ឱ្យកាន់តែមានប្រសិទ្ធភាពខ្ពស់ ស្របតាមការអភិវឌ្ឍរបស់ទីក្រុង និងដើម្បីលើកកម្ពស់បរិស្ថានរស់នៅរបស់ប្រជាពលរដ្ឋឱ្យកាន់តែមានផាសុកភាព។
ការចុះពិនិត្យនេះ ធ្វើឡើងក្នុងគោលបំណងធានាឱ្យបាននូវប្រសិទ្ធភាពខ្ពស់បំផុត ក្នុងការរំដោះជំនន់ទឹកភ្លៀងចេញពីទីក្រុង ជៀសវាងការកកស្ទះ និងការលិចលង់លំនៅឋាន ឬហេដ្ឋារចនាសម្ព័ន្ធសាធារណៈនានា
ក្នុងសកម្មភាពចុះពិនិត្យនាឱកាសនោះ ឯកឧត្ដមអភិបាលខេត្ត បានធ្វើការពិនិត្យយ៉ាងលម្អិតទៅលើសមត្ថភាពដំណើរការនៃម៉ាស៊ីនបូមទឹកនីមួយៗ ប្រព័ន្ធបណ្ដាញអគ្គិសនី និងការត្រៀមលក្ខណៈកម្លាំងប្រចាំការ ដើម្បីឆ្លើយតបភ្លាមៗចំពោះស្ថានភាពអាកាសធាតុ ដែលអាចមានភ្លៀងធ្លាក់ខ្លាំង
ទន្ទឹមនឹងនេះ ឯកឧត្ដមក៏បានដាក់បទបញ្ជា និងណែនាំយ៉ាងម៉ឺងម៉ាត់ដល់មន្ទីរជំនាញ ព្រមទាំងអាជ្ញាធរមូលដ្ឋាន ឱ្យបន្តតាមដាន និងត្រូវសហការគ្នាចុះកាយស្ដារប្រព័ន្ធលូ ព្រែក និងប្រឡាយរំដោះទឹកជាប្រចាំ ដើម្បីទប់ស្កាត់ការកកស្ទះដោយសារកាកសំណល់ ឬស្មៅដែលបង្កការរាំងស្ទះដល់ចរន្តទឹកហូរ
គួរបញ្ជាក់ផងដែរថា អាជ្ញាធរខេត្តកណ្ដាល ក្រោមការដឹកនាំយ៉ាងយកចិត្តទុកដាក់របស់ ឯកឧត្ដម គួច ចំរើន តែងតែចាត់ទុកសុខទុក្ខ សុវត្ថិភាព និងជីវភាពរស់នៅរបស់បងប្អូនប្រជាពលរដ្ឋជាអាទិភាពចម្បង។ កន្លងមក រដ្ឋបាលខេត្តបានដាក់ចេញនូវវិធានការឆ្លើយតបបន្ទាន់ជាច្រើន ដើម្បីដោះស្រាយបញ្ហាប្រឈមនៅក្នុងមូលដ្ឋាន
លើសពីនេះ រដ្ឋបាលខេត្តកំពុងបន្តជំរុញការកែលម្អសោភ័ណភាព ហេដ្ឋារចនាសម្ព័ន្ធផ្លូវថ្នល់ និងការស្ថាបនាប្រព័ន្ធរំដោះទឹកក្នុងក្រុងតាខ្មៅ ឱ្យកាន់តែមានប្រសិទ្ធភាពខ្ពស់ ស្របតាមការអភិវឌ្ឍរបស់ទីក្រុង និងដើម្បីលើកកម្ពស់បរិស្ថានរស់នៅរបស់ប្រជាពលរដ្ឋឱ្យកាន់តែមានផាសុកភាព។
No comments:
Post a Comment