រាជនីភ្នំពេញ៖ នារសៀលថ្ងៃទី៣ ខែកញ្ញា ឆ្នាំ២០២៥ ក្រុមការងារសារព័ត៌មានយើង បានចុះធ្វើព័ត៌មាននៅលើកំណាត់ផ្លូវជាតិលេខ 6A ក៏ប្រទះឃើញនៅទីតាំងចំនួនពីរកន្លែង ដែលបានសាងសង់ រំលោភដីចំណីទន្លេ ស្ថិតនៅ ភូមិចំបក់មាស សង្កាត់បាក់ខែង ខ័ណ្ឌជ្រោយចង្វារ រាជធានីភ្នំពេញ ក្រោយពីឃើញការសាងសង់រំលោភចំណីទន្លេនេះក្រុមការងារសារព័ត៌មានយើង ព្យាយាមរកលេខទំនាក់ទំនងម្ចាស់ទីតាំងខាងលើដែរតែពុំបាននោះទេ ។
ចំណែកលោក លឹម សុភា អភិបាលនៃគណៈអភិបាលខណ្ឌជ្រោយចង្វារ ក្រុមការងារសារព័ត៌មានយើងក៏បានសុំការបំភ្លឺនោះដែរ លោកបានថ្លែងប្រាប់អ្នកសារព័ត៌មានយើងតាមប្រព័ន្ធទូរស័ព្ទថា ៖ បងចាំបាញ់ឱ្យខ្ញុំបន្តិចខ្ញុំនឹងឆែកមើល បើបងសួរខ្ញុំអញ្ចឹងខ្ញុំម៉េចដឹងបើវាច្រើនកន្លែងពេក បងជួយបាញ់តាមតេឡេក្រាមមក មួយសន្ទុះក្រោយមកលោក លឹម សុភា អភិបាលខណ្ឌជ្រោយចង្វារ បានឆ្លើយតាមប្រព័ន្ធទេតេក្រាមថា អរគុណបងចាំតិចខ្ញុំឲ្យកូនចៅខ្ញុំឆែកមើលរបស់អ្នកណា មានច្បាប់ទម្លាប់អីអត់។
ដូចពាក្យចាស់លោកពោលថា ត្រីងៀតឆ្លៀតពង ប្រទេសកំពុងតែមានវិបត្តិ ជាមួយប្រទេសសៀមដែលឈ្លានពានទឹកដី រីឯអ្នកមានអំណាចមកលួចសាងសង់ រំលោភចំណីទន្លេ ដែលជាដីរបស់រដ្ឋ ផ្ទុយពីអនុក្រឹត្យ លេខ៩៨ អ.ន.ក្រ.បក ចុះថ្ងៃទី២៤ ខែកក្កដាឆ្នាំ២០១៥ របស់សម្ដេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្រ្តីនៃព្រះរាជាណាចក្រកម្ពុជា។
នេះសបញ្ជាក់ឲ្យឃើញថាជាគំរូអាក្រក់មួយទៅដល់ពលរដ្ឋនិងប្រជាពលរដ្ឋទាំងឡាយ និងអ្នកមានលុយមួយចំនួនដែលរស់ នៅតាមដងទន្លេមិនឱ្យគោរពច្បាប់ ក្នុងព្រះរាជាណាចក្រកម្ពុជា
គោរពស្នើសុំឯកឧត្តម ថោ ជេដ្ឋា រដ្ឋមន្ត្រី ក្រសួងធនធានទឹកនិងឧតុនិយម មេត្តាជួយចាត់មន្ត្រីជំនាញចុះពិនិត្យនៅករណីខាងលើនេះផងទាន។
គោរពស្នើសូមឯកឧត្តម អភិបាលនៃគណៈអភិបាលរាជធានីភ្នំពេញមេត្តាជួយអន្តរាគមន៍និងពិនិត្យនៅករណីខាងលើផងទាន។
អង្គភាពសារព័ត៌មានយើងខ្ញុំ រង់ចាំការឆ្លើយបំភ្លឺគ្រប់ក្រសួង ស្ថាប័ន មន្ទីរ ពាក់ព័ន្ធ និងសមត្ថកិច្ចគ្រប់ជាន់ថ្នាក់ជាពិសេសម្ចាស់ទីតាំងផ្ទាល់តែម្តងតាមច្បាប់ស្ដីពីរបបសារព័ត៌មានឆ្នាំ១៩៩៥ មាត្រាទី១០ កថាខណ្ឌទី១ សូមអរគុណ។
No comments:
Post a Comment